Կայքի օպտիմիզացիան՝ նախքան SEO աշխատանքներն սկսելը

Կայքերի օպտիմալացման և առաջխաղացման մասին խոսելիս գրեթե բոլորի մտքում անմիջապես պտտվում են բանալի բառեր, հղումներ հասկացությունները: Այո՛, սրանք կայքի օպտիմիզացիայի ամենակարևոր գործոններից են, սակայն իրական օպտիմալացումն սկսվում է… դեռ կայքը պատրաստելուց առաջ:

Եթե կայքը չի պատրաստվում միայն այցեքարտի դեր կատարելու համար, այլ իր առջև ունի որոշակի նպատակներ՝ նոր հաճախորդների ներգրավում, վաճառքներ և այլ, ապա կայքի պատրաստում պատվիրելուց  առաջ հարկավոր է մտածված կերպով պլանավորել կայքը՝ դիզայներից ու ծրագրավորողից բացի ներգրավելով seo օպտիմալացման (seo) մասնագետի և մարքեթոլոգի:  Այս դեպքում է, որ կայքը կարող է խոստանալ բարեհաջող առաջխաղացում և մարքեթինգային խնդիրների լուծում:

Հստակեցրե՛ք, թե որն է լինելու կայքի հիմնական նպատակը և ըստ այդմ՝ նաև ֆունկցիաները (ապրանքի և ծառայությունների ներկայացնում, գնումներ, ամրագրումներ և այլն)։

Դիզայնում ներառե՛ք գործողության կոչ պարունակող էլեմենտներ՝ զանգելու, գրելու, պատվիրելու կոճակներ (call to action buttons)։

Կոնտակտային տվյալների մասին ևս մի մոռացեք. դրանք պետք է լինեն հասանելի և աչքի ընկնող տեղում:

Կայքը կառուցեք այնպես, որ բաժինները փոխկապակցված լինեն համապատասխան հղումներով։

Կայքի գլխավոր էջում անպայման տեղ հատկացրեք նորություններին՝ նոր ապրանքներ, ծառայություններ, զեղչեր։

Ներկայացած եղեք ճանաչված սոցցանցերում և կայքում տեղադրեք այդ հղումները՝ անպայման առանձին պատուհանում բացվող (new tab):

Մի՛ մոռացեք հետագծի (breadcrumb) մասին․ վերջինս բավական դյուրին է դարձնում կայքից օգտվելը և թույլ չի տալիս մոլորվել։

Այսքանը՝ մի քանի բառով, իսկ ավելի մանրամասն խորհրդատվության համար կարող եք կապվել մեզ հետ ձեզ հարմար ցանկացած եղանակով կամ լրացնելով այս էջում առկա օնլայն հայտը։

 

Մարիամ Մուրադյան
SEO մասնագետ